適當時，必須放手！子女的命運最後由他們主宰

上個月同小學老師食飯，佢系我良師同時系我人生中的伯樂！

個日好深刻聽到一段故事想系到分享:

話說讀書中，一定會系班中有個乖學生，同時一定有啲系激心激肺嘅小朋友。

老師有次調位，將一個全班最頑皮嘅學生調到同個最班最乖嘅學生坐。

不久，好乖個個學生嘅媽媽就向老師反映呢個情況。

媽：老師，你將我囡囡調系呢個位置，我怕佢比另一個小朋友影響到，你可吾可以幫佢調位？

老師想了想就話：媽媽！我調你囡囡系呢個位置，系我相信佢吾會比另外個小朋友影響到，更相信佢有能力去應付同影響反個小朋友，你可以叫我今日幫囡囡系課室中換個位置，但他日佢岀到黎社會，我們都不能系佢嘅命運轉個位置⋯⋯⋯⋯⋯⋯⋯⋯⋯

呢個雖然系小故事，但未必好多家長能明白系呢件小事上可以鍛鍊自己嘅小朋友，更可以教導小朋友有一個重要正確態度，有困難必須面對，爸爸媽媽相信你一定能做到，而不是你有困難，爸媽會為你撐腰，會幫你解決 。影響深遠同錯嘅態度，影響小朋友他日面對社會嘅結果。

今天，到我面對同類問題，

我發現處於老師位置必須俱備超凡勇氣及承擔力，必須同小朋友家長解釋及分析問題同結果。

老師！感恩遇到你，讓我上了寶貴的一課。