十年前的我

每一次，一停落黎，我個心同腦海就會播Fiona嘅，十年後的我。

呢首歌我好喜歡，令我每次回顧嘅系十年前嘅我同之後十年嘅我，
十年前，正因為過去左，所以無話後吾後悔啲咩，正所謂，好嘅就有個回憶，壞嘅就當拎個經驗。十年前十三歲，十三歲過得後好，一踏入十四歲，我呢人生有點點改變，

系中一個年，爸媽分開了，家原本有六個，得反四個，我感到幸運，我有個好疼愛我嘅嫲嫲爺爺，我有今日嘅性格，都因為佢地。：)   星期日再無family day:)  好的又當作回憶。   正因為無人管，一直讀吾到書嘅我仍然系讀吾成書，幸好家有兩老，所以我同妹妹都無學壞，但讀書又無咩成就，自己又吾夠醒目想吾通，  就甘，十年嘅一半就過去左，

十八歲，會考，放塝當然乜都無拉，但之後嘅五年，就徹底甘改變。我起碼做左我想做嘅事情，學餅 入過酒店做下，學我最愛嘅意粉，為家中早午晚餐添加色彩，我堅持了讀夜校，幸運甘有反個full shert, 讀playgroup 開始專注於幼兒，呢幾年，重算忙忙地，無白過。很感恩，其實真系好神奇，我十分相信神安排的，雖然我呢刻無任何成就，但我相信如果一直努力，保持謙虛，同學習，可能我會有點點轉機呢？

有樣野，我系前十年所發現到嫁，就系良師或自覺性嘅方向。我所講嘅內容吾系話要可以將自己人生賴其他人，我系前十年嘅learning 系，我無自覺性嘅檢討同無方向，系中學時期，我完全吾知自己要做咩，要點做，社會系咩，咩都吾知，學校只系要我讀讀讀同溫溫溫， 無家人或明燈照照我，   所以，方向同良師好緊要，要搵岩對象同方向，要認清自己要咩，試多幾樣野。

以前讀書以為出黎社會系好可怕一件事，但出黎工作後，發現，系好有趣，點解無人同我講過嘅呢？ 我印像中所有大人都叫我讀好啲書，出黎工作好辛苦，但出黎之後，我改變系我喜歡左學習，喜歡學新野，喜歡冒險，喜歡看書，同刺激，社會愈幻變，我愈想適應佢，感覺好癲  仔。

前十年至現在，改變好多，無論系思想，方向，目標，   無事情系絕對嫁。所有事都要失敗系去學習，無人系絕對嫁，所以要珍惜同尊重，企下人地角度感受下。看多個看法無死嫁。   有啲事情過去就過去，吾好執著，記住只有learning:)   

點解上帝做人系兩隻耳朵一個嘴巴，系想你多聆聽，少說廢話。

害得我最慘系咩？系人嘅惰性，   我要持之而行。 處理到小事的人才處理到大件事：)

過去的已成過去，但必須反問自己，你學到咩呢？